жоғары
ресми ақпараттық
порталы
Қарағанды -1°C
«Ақпаратқа қол жеткізу туралы» ҚР Заңы cайттың ең маңызды бөлімдері
Виртуалдық қабылдау бөлмесі

Әкімнің іс сапарлары

Назад
25 Мамыр 2019

Ерлан Қошанов түлектерді мерекелерімен құттықтады

Фото: karaganda-region.gov.kz

Қарағанды облысының әкімі Ерлан Қошанов түлектерді құттықтау үшін Шет ауданының Жарық ауылдық мектебіне келді. Мұнда 34 он бірінші сынып оқушылары үшін соңғы қоңырау соғылды. Олардың үшеуі "Алтын белгіге" үміткер.
- Бүгін мен сіздерді әр адамның өміріндегі ең маңызды оқиғалардың бірімен құттықтау үшін арнайы келдім. Мен Қарағанды облысының барлық түлектерін мектеп бітіруімен құттықтағым келеді, - деді Ерлан Қошанов. – Сіздердің алдарыңызда барлық жолдар ашылды. Мемлекет жастарға барлық мүмкіндіктерді жасауда - оқуға гранттар бар. Дәл қазір алдарыңызда тұрған басты мәселе – «келешекте кім боламын?» деген сұраққа жауап іздеу. Менің ойымша, сіздер дұрыс таңдау жасап, өз жолдарыңызды таба аласыздар.
Өңір басшысы түлектерге уақытты бағалап, алға қойған мақсаттарға еш күмәнсіз қадам басуға кеңес берді. Ал осы түлектерге тәлім-тәрбие берген мұғалімдерге алғыс хат, педагогикалық еңбек ардагерлеріне – облыс әкімінің Құрмет грамотасын табыс етті.
Сыйлыққа сондай-ақ ауылдық мектеп екі интерактивті тақта сатып алуға сертификат алды.
Мектеп бітірушілерді ардагер-ұстаз Мақпуза Сабитова қарсы алды. Жарты ғасыр шамасында ол осы мектептің оқушыларына математикадан сабақ берген.
Балалардың айтуынша, олардың барлығы өздері үшін қандай мамандықты меңгеретіндерін таңдап үлгенген. 21 түлек қазақстандық жоғары оқу орындарына түсу үшін ҰБТ тапсырады. Мектеп бітірушілердің көбісі қарағандылық университеттерге барғысы келеді. "Алтын белгіге" үміткерлердің бірі Аружан Ысқақова Қарағанды мемлекеттік техникалық университетіне "Есеп және аудит" мамандығына құжаттар тапсыратынын айтты.
Бұл күні ауылда Түлектер аллеясы салынды. Он бірінші сынып оқушылары мектеп жанында ағаштар отырғызды.
Соңғы қоңырау мерекесі Облыстың 512 мектебінде өтті, 7 544 түлек мектеп қабырғасынан үлкен өмірге қадам басты. 296 түлек "Алтын белгі", 241 түлек үздік аттестатқа үміткер. 28 мамырдан 7 маусымға дейін он бірінші сынып оқушылары орта білім туралы аттестат алуға емтихан тапсырады.
20 маусым мен 5 шілде аралығында Қазақстан бойынша ҰБТ өтеді. Мамыр айының соңында облыс бойынша нақты мерзімдер белгілі болады. Өңірде бес жоғары оқу орны мен он жалпы білім беретін мектептерде тестілеу пункттері ұйымдастырылады. ҰБТ тапсыруға түлектердің 70%-ы, яғни 5 268 оқушы ниет білдірді.

 



Мемлекет басшысы Қасым-Жомарт Тоқаевтың Қазақстан халқына Жолдауы 2 қыркүйек 2019
Қазақстан республикасы президентінің ресми сайты
Қазақстан 2050 Мәңгілік ел
Қазақстан Республикасының Премьер-Министрі
Пайдалы сілтемелер
Сайт картасы