жоғары
ресми ақпараттық
порталы
Қарағанды 32°C
«Ақпаратқа қол жеткізу туралы» ҚР Заңы cайттың ең маңызды бөлімдері
Виртуалдық қабылдау бөлмесі

Өнеркәсіп

Назад

Өңірлік жалпы өнімнің құрылымында 45,4% өнеркәсіп үлесі алып отыр.

Оның ішінде, облыс бойынша ЖӨӨ жалпы көлеміндегі өңдеу өнеркәсібінің үлесі –31,09%, тау-кен өндіру өнеркәсібі – 10,17%, электрмен жабдықтау, газ, бу жіберу және ауаны жақсарту – 3,34%, сумен қамтамасыз ету; кәріз жүйелері, қалдықтарды жинақтау және оларды бөлуді бақылау үлесі 0,84%-ды құрайды.

Өңір аумағында тау-кен, өңдеу өнеркәсіптері мен электрмен жабдықтау және сумен қамтамасыз ететін шамамен 200 кәсіпорын жұмыс атқаруда.

2017 жылы облыстың өндіріс көлемі 2318,4 млрд. теңгені, ал өндірістік өнімнің көрсеткіші 105,5% құрады. Тау-кен игеру өнеркәсіптері мен карьерлерді қазудың нәтижесінде 271,2 млрд. теңгеге өнім шығарылды. Көмір және лигнит өндіру 2,5%-ға, металл және темір кендерінің өндірілуі сәйкес 5,6%-ға және 3,5%-ға, түсті металл 5,9%-ға, тау-кен игеру өндірісі саласындағы техникалық қызметтер 2,3 есе өсті.

Өңдеу өнеркәсібіндегі өнім көлемі 1770,7 млрд. теңгені, нақты көлем индексі 103,2%-ды құрады.

Өңдеу өнеркәсіптерінің ішінде жеңіл өнеркәсіпте (7,7%), қағаз және қағаз өнімдерін (16,4%), резина және пластмасса өнімдерін (9,5%), басқа металдық емес минералды өнімдерді өндіруде (3,5%), химия өнімдерінің өндірісінде (5,8%), фармацевтикада (29,7%), металлургияда (5,9%), машина жасауда (19,9%) өсу байқалады.

Импортты алмастыру саясаты, мемлекеттік және үкімет бағдарламаларын жүзеге асыру, салық жағынан жеңілдіктер мен артықшылықтар (преференциялар) сияқты өңдеу өнеркәсібінің жекелеген салаларын қайта қалпына келтіруге бағытталған тұтастай мемлекеттік іс-шаралар кешенін жүзеге асыру жұмыстары өндіріс көлемінің тұрақты өсуін және жаңа кәсіпорындарды іске қосуды қамтамасыз етті.

Республикалық іс-шаралар жоспары аясында «Тау-Кен Темір» ЖШС, «Теміртау электр металлургия комбинаты» АҚ атты облыстағы өндіріс кәсіпорындарына қолдау көрсету жұмыстары жүргізілді.

Бұл ретте электрмен жабдықтау тарифтері бойынша төмендету коэффиценттерін қолдану мәселелерін шешу.

«АрселорМиттал Теміртау» АҚ

Болат өндірісінің көлемі 2017 жылы 2016 жылмен салыстырғанда (3 859,6 мың тонна) 4,9% өсімімен 4 049,7 мың тоннаны құрады, илектерді шығару 1,1% өсімімен (3 686 мың тонна) 3 726 мың тоннаны құрады.

2018 жылы 2017 жылға қарағанда 4,7% көп шойын шығаруға жоспарланған, болат өндіру – 7,6%, жалпақ илек – 3,3%.

2017 жыл бойынша көмір өңдеу көлемі 0,3% өсумен 10 151,2 мың тонна құралы (10 125мың тонна).

2018 жылдың 11,0 млн тоннаға қарсы 2017 жылы 10,2 млн тонна көмір өндіру жоспарланған (8,4%).

Компания болат өндірісін 6 млн тоннаға дейін арттыру бойынша республикалық индустрияландыру картасына кіретін инвестициялық жобаны іске асырады.

2017 жылы домен пешінің жұмысын тұрақтандыру үшін №6 аглокөліктің күрделі жөндеуі мен қайта құрылуы аяқталды (1 сәуірден 24 маусымға дейін ұзақтығы 75 тәулік).

Металл сапасын арттыру үшін және болаттың жаңа маркаларын шығару үшін АМТ-да №3 ожау пеші қондырғысының құрылысыжүріп жатыр (басталуы – 2017 ж. IV т., аяқталуы – 2018 ж. III т.).

№1 табақша металды илемдейтін цехта 1700 мм ыстықтай илемдеу орнағын қайта құру жұмысы жалғасуда.

«Қазақмыс» корпорациясы» ЖШС

«Қазақмыс» корпорациясы» ЖШС-де тазартылған мыстың нақты көлем индексі 106,9%, тазартылған алтын – 128,3% құрады.

2018 жылы «Қазақмыс» корпорациясы» ЖШС-де өткен жыл деңгейінде 320 мың тонна мыс өндіру жоспарлануда.

Индустриалдық-инновациялық даму мемлекеттік бағдарламасы шеңберінде 2010 жылдан бастап облыста 252,1 млрд. теңгеге 103 жобадан 84 инвестициялық жобалар жүзеге асырылды. Кәсіпорындарда 6 мыңнан астам жаңа жұмыс орындары құрылды.

2017 жылы 7,7 млрд. теңгеге 301 жұмыс орнын құрумен 8 жоба іске асырылды,оның ішінде:

- отқа төзімді материалдар өндірісі бойынша «Seven Refractories Asia» ЖШС зауытының құрылысы жобасы. Бұл жоба «Сарыарқа» АЭА жерінде қалдықсыз жоғары технологиялы монолитті отқа төзімді материалдар өндірісін салуды қарастырады, бұл материалдар әлемдік стандарттарға сай және бәсекеге қабілетті сапаға ие болады. Зауыт құрылысы тікелей шетел инвестициялары арқылы жүргізілуде (Австрия);

- «RecyclingCompany» ЖШС компаниясының жобасы, бұл компания өзінің қызметін істен шыққан көлік құралдарын кәдеге жарату саласында атқарады. Бұл Орталық Азия өңіріндегі ең алғашқы және жалғыз зауыт. Жобаның басты мақсаты қоршаған ортаны қорғау және халық денсаулығын сақтау болып табылады, сонымен қатар атмосфера мен жер қабатына зиянды заттар, істен шыққан автомобильдер шығарылуының кері әсерлерін қысқарту. Оның қуаты жыл сайын 50 мың көлікті кәдеге жаратуға мүмкіндік береді. Зауыт автоқоқысты кәдеге жаратуын республиканың барлық өңірлерінде қамтиды. Зауыт қызметін заманауи жоғары технологиялы құрылғыларда жүзеге асырады, оның ішінде зауытта өндірістік интернеттің болуы цифровизация және Индустрия 4.0 талаптарына сәйкес болуын көрсетеді.

Кәсіпкерлікті қолдау картасының жаңа өндірістері 624,5 млрд.теңгеге өндірістік өнімді, оның ішінде 2017 жылы 192 млрд.теңгеге шығарды.

Дата cоздания: 29 Маусым 2007 06:00
Ақпараттың соңғы өзгерісі: 20 Қараша 2018 15:05
Мемлекет басшысы Н.Ә.Назарбаевтың Қазақстан халқына жолдауы. 2018 жылғы 5 қазан
Қазақстан республикасы президентінің ресми сайты
Қазақстан 2050 Мәңгілік ел
Қазақстан Республикасының Премьер-Министрі
Сайт картасы