жоғары
ресми ақпараттық
порталы
Қарағанды -5°C
«Ақпаратқа қол жеткізу туралы» ҚР Заңы cайттың ең маңызды бөлімдері
Виртуалдық қабылдау бөлмесі

Жаңалықтар

Назад
Әкімнің іс сапарлары
14 Ақпан 2020

Ең қарт волонтер Қарағанды облысының Нұра ауданында тұрады

Фото: karaganda-region.gov.kz

Қарағанды облысының Нұра ауданына қарасты Сарыөзен ауылында ең жасы үлкен волонтер тұрады. Жерлестері «Сарыөзендегі супермен» деп атап кеткен Минниагзам Авлияровтың жасы 82-де. Қария көп жылғы серігі шынжыр табан тракторымен қыста ауыл ішінің қарын тазаласа, көктемде көмір суағарларын аршиды.
Бұл жұмысы үшін қарияның біреуден қолақтық сұраған күні болмаған. Тракторына да жанармай құй деп жан баласына талап қойған емес.
Минниагзам ақсақалдың ұлты бақұрт. Қазақстанға тың игеру жылдары келіп, осы Сарыөзен ауылдық округінің Тікенекті елді мекенінде өмір бойы механизатор болып істеді. Түздегі тынымсыз еңбекке әбден үйреніп кеткен қария қол қусырып отырғанды жаны сүймейді. Үшінші топтағы мүгедектігіне қарамастан көктемде көпірлерді тазалап, өзен суының деңгейін, бөгеттердің бұзылмауын қадағалайды. Ал жазда аз қамтылған отбасылар мен мұқтаж жандарға тегін шөп шауып, қысқы мал азығын жинап береді.
Ауыл тұрғындары «Сарыөзендік супермен» атап кеткен атай бес баласын бағып-қағып, қазақ халқының салт-дәстүрін бойына сіңіріп өсірген. Келіндері мен күйеу балалары түгел қазақтан. Қарияның талай жылғы қалтқысыз қызметі ескерусіз емес. Тыл ардагерінің кеудесіндегі «Құрмет белгісі», «Ерен еңбегі үшін» марапаттары соның дәлелі. Ал өткен жылы Минниагзам Авлияров «Шапағат» медалімен марапатталды.
 



Мемлекет басшысы Қасым-Жомарт Тоқаевтың Қазақстан халқына Жолдауы 2 қыркүйек 2019
Қазақстан республикасы президентінің ресми сайты
Қазақстан 2050 Мәңгілік ел
Қазақстан Республикасының Премьер-Министрі
Пайдалы сілтемелер
Сайт картасы