жоғары
ресми ақпараттық
порталы
Қарағанды -5°C
«Ақпаратқа қол жеткізу туралы» ҚР Заңы cайттың ең маңызды бөлімдері
Виртуалдық қабылдау бөлмесі

Жаңалықтар

Назад
Әкімнің іс сапарлары
13 Желтоқсан 2019

Қарағандыда жаңа оңалту орталығы ашылды

Фото: karaganda-region.gov.kz

Қарағандыда «Луч» нейрооңалту орталығының жаңа филиалы ашылды. Бір мезгілде мұнда 40 адам ем қабылдай алады.
Дәрігерлер инсульт пен нейрохирургиялық оталардан өткен науқастарға білікті көмек көрсетеді. Орталықта ЕДШ, физио және механотерапия залдары жабдықталған, мүмкіндігі шектеулі пациенттер үшін ғимаратта арнайы көтергіш және лифт жұмыс істейді.

Орталықтың жалпы аумағы - 1500 шаршы метр. Онда екі ауысымда 80 сертификатталған мамандар жұмыс істейді. Сонымен қатар, мекеме базасында Қарағанды медициналық университетінің клиникалық базасы орналасқан. Мұнда студенттер мен ЖОО резиденттері тәжірибеден өтіп, білім алады.
- Нейрооңалту орталығына учаскелік дәрігердің жолдамасы бойынша кіруге болады. Бұл қызмет түрі сақтандырылған азаматтар үшін тегін. Қарағанды облысында басқа өңірлерден да азаматтар оңалту көмегін алады, себебі бізде, біріншіден, осы қызметтерді көрсетудің деңгейі жоғары, екіншіден, басқа өңірлерде медициналық көмектің осындай түрінің тапшылығы бар. Қарағанды облысындағы оңалтудан өтуге қажеттілік іс жүзінде толықтай жабылды деуге болады. Жаңа филиалдың ашылуымен ауруханаға жатқызу уақыты үш айдан 30-40 күнге дейін қысқарды, - деді Денсаулық сақтау басқармасының басшысы Ержан Нұрлыбаев.
Орталық жұмысымен өңір басшысы Жеңіс Қасымбек танысты. Облыс әкіміне құрал-жабдықтар көрсетіліп, жұмыс принциптері туралы айтылды. Әкім емделушілермен әңгімелесті. Оны бірінші кезекте науқастардың қызмет сапасына қатысты пікірі қызықтырды. Емделушілер өңір басшысына емделуден кейін барлық қажетті процедуралардан өтіп, жақсы нәтиже көріп жатқандарын мәлімдеді.
Бұл облыстағы алтыншы оңалту орталығы және Қарағандыдағы үшінші орталық. Осыған ұқсас мекемелер Балқаш, Жезқазған, Теміртауда жұмыс істейді. 2020 жылдың ақпан айында облыс орталығында заманауи балаларды оңалту орталығы ашылады. Теміртау қаласында мемлекеттік-жеке меншік әріптестік бағдарламасы бойынша да осындай орталықтың құрылысы басталады.
 



Мемлекет басшысы Қасым-Жомарт Тоқаевтың Қазақстан халқына Жолдауы 2 қыркүйек 2019
Қазақстан республикасы президентінің ресми сайты
Қазақстан 2050 Мәңгілік ел
Қазақстан Республикасының Премьер-Министрі
Пайдалы сілтемелер
Сайт картасы