жоғары
ресми ақпараттық
порталы
Қарағанды 18°C
«Ақпаратқа қол жеткізу туралы» ҚР Заңы cайттың ең маңызды бөлімдері
Виртуалдық қабылдау бөлмесі

Жаңалықтар

Назад
Әкімнің іс сапарлары
16 Мамыр 2019

«Евгений Онегин» Қарағандыда

Фото: karaganda-region.gov.kz

18 мамыр күні «Рухани жаңғыру» бағдарламасы аясында ҚР Мәдениет және спорт министрлігінің қолдауымен Қарағанды қаласында С.Сейфуллин атындағы Қарағанды облыстық қазақ драма театрының сахнасында «Астана Опера» театры труппасының гастролі өтеді. Көрермен назарына П.Чайковскийдің «Евгений Онегин» атақты әлемдік опера туындысының концерттік орындалуы ұсынылмақ.
Театр репертуарына бұл спектакль жақында ғана – 8 ақпан күні енген, дегенмен де ол тыңдармандардың жүрегін жаулап үлгерген. Қойылым жұмысына итальяндық режиссер Давиде Ливермор, костюмдер бойынша суретшілер – Софья Тасмағамбетова мен Павел Драгунов қатысқан. Хормейстер – Ержан Дәуітов, режиссердің ассистенті – Еренбақ Тойкенов.
Операның қоюшы дирижері – Алан Бөрібаев, бірақ Қарағандыдағы дирижерлік тұғырға Қали Байжанов атындағы Қарағанды концерттік бірлестігі симфониялық оркестрінің бас дирижері маэстро Петр Грибанов шығады.
Аталмыш операда композитор пушкиндік Татьянаның сезімдер асқақтығы мен жан сұлулығын жырлаған. Музыкада лирикалық қаһармандардың ішкі күйініші көрініс тапқан, әуендер айтылмаған сөздерді аяқтап, олардың әңгімесінің жалғасы іспетті.
Партияларды «Астана Операның» жарқын солистері: Татьяна – Айгүл Ниязова, Онегин –Талғат Мұсабаев, Ленский – Жан Тапин, Ольга – Татьяна Вицинская, Күтуші – Салтанат Мұратбекова, Ларина – Гүлжанат Сапақова, Гремин – Барсег Туманян, Рота бастығы –Шыңғыс Расылхан, Зарецкий – Жанат Шыбықбаев, Трике – Рамзат Балакишиев орындайды.
Естеріңізге салар болсақ, бұл театрдың Қарағандыдағы үшінші гастрольдік сапары болып табылады әрі осынау керемет қалада елордалық әртістердің өз жанкүйерлері бар.
 



Мемлекет басшысы Н.Ә.Назарбаевтың Қазақстан халқына жолдауы. 2018 жылғы 5 қазан
Қазақстан республикасы президентінің ресми сайты
Қазақстан 2050 Мәңгілік ел
Қазақстан Республикасының Премьер-Министрі
Сайт картасы