жоғары
ресми ақпараттық
порталы
Қарағанды 5°C
«Ақпаратқа қол жеткізу туралы» ҚР Заңы cайттың ең маңызды бөлімдері
Виртуалдық қабылдау бөлмесі

Жаңалықтар

Назад
Әкімнің іс сапарлары
10 Тамыз 2018

Қарағандыда Бұқар жырау Қалқаманұлының 350 жылдығына арналған көрме-байқау өтті

Фото: karaganda-region.gov.kz

Қарағандыда Достық үйінде бейнелеу өнері және сәндік-қолданбалы шығармашылық көрмесі ашылды. Ол танымал жыршы, мемлекет қайраткері Бұқар жырау Қалқаманұлының 350 жылдығына арналады. Шараны Бұқар жырау ауданының әкімдігі, облыстық Қазақстан халқы ассамблеясы мен «Облыс әкімі аппаратының «Қоғамдық келісімі» КММ ұйымдастырды.

- Бұл шараның мақсаты – өскелең ұрпаққа картиналар, біздің ұлы жыраудың мирасы, өнері арқылы оның шығармашылығын насихаттау болып табылады. Мұндай көрме-байқау алғаш рет өткізіліп отыр, алайда біз оны бес жылда бір ұйымдастырып отыруды жоспарлап отырмыз, - деді Ботақара кентінің өнер мектебінің мұғалімі, көрмені ұйымдастырушылардың бірі Амантай Әкішев.

Байқау-көрмеге өз туындыларын 23 суретші ұсынған. Көрермендер назарына салынған жәдігерлердің жалпы саны – 47. Қатысушылардың жас мөлшері 25-тен 70-ке дейінгі аралықта.

Қазылар алқасының мүшерелі айтуынша, барлық жұмыстар өзінше бір ерекше туынды, жәнеде олардың арасынан ең үздігін таңдау қиынға соққан.

- Байқауға жас та, тәжірибелі, танымал суретшілердің туындылары да салынды. Барлық қатысушылар жақсы дайындалған екен, оларға алғысымыз зор. Олар Бұқар жыраудың бейнесін және сол кездегі халқымыздың тұрмысын бейнелеуі тиіс еді. Бізге үздік жұмыстарды таңдау қиын болды, - деді қазылар алқасының төрағасы, ҚР суретшілер Одағының мүшесі, ҚР Еңбек сіңірген қайраткері Бейбіт Мұстафин.

Жеңімпаздарға дипломдар мен ақшалай сыйлықтар, ал басқа қатысушылардың барлығына алғыс хаттар табыс етілді.

Байқау-көрме ҚР Президенті Нұрсұлтан Назарбаевтың «Болашаққа бағдар: Рухани жаңғыру» бағдарламалық мақаласының аясында өткізіліп отыр.

 



Мемлекет басшысы Н.Ә.Назарбаевтың Қазақстан халқына жолдауы. 2018 жылғы 5 қазан
Қазақстан республикасы президентінің ресми сайты
Қазақстан 2050 Мәңгілік ел
Қазақстан Республикасының Премьер-Министрі
Сайт картасы