На главную Размер шрифта: Цвет сайта: ↑ Наверх

Жаңалықтар


16-Мамыр-2018 - Қарағанды облысындағы түзету кабинеттері көбірек балаларды қабылдайтын болады

Ол туралы «Дара» қайырымдылық қорының басшылығымен кездесу барысында Қарағанды облысының әкімі Ерлан Қошанов келісті.

«Дара» қайырымдылық қоры ерекше қажеттіліктері бар және жетім балаларға көмек көрсетумен айналысады. Қарағанды облысында қордың қолдауымен «Әртүрлі-тең» жобасы шеңберінде үш психологиялық-педагогикалық түзету кабинеттері ашылды. Олар Қарағанды, Теміртау және Шахтинск қалаларында орналасқан. Бұл кабинеттердің барлығы жалпы білім беру мектептерінің жанынан ашылған, себебі келешекте балаларға да, педагогтарға да инклюзивті білім беру жүйесіне ауысуға оңайырақ болады.
Мұндай кабинеттер дамыту дәрістеріне арналған, емдеу-сауықтыру дене шынықтыру бөлмелерімен жабдықталған, ерекше қажеттіліктері бар балалармен салалық маман педагогтары жұмыс істейді. Жүйе сабақтар тек балалармен ғана емес, сонымен қатар ата-аналармен де жұмыс жүргізуге бейімделген. Балаларды түзету кабинеттеріне туғанынан 18 жасқа дейін қабылдайды. Барлық дәрістер тегін, шығындар жергілікті бюжет есебінен жабылады.
Түзету кабинеттеріне есту, көру, тірек-қозғалыс аппараты бұзылған және даму ерекшелігі бар балалар келе алады. Олардың әрқайсысы үшін жеке бағдарлама құрылады.
- Жуырда ғана біз түзету кабинетін Теміртауда аштық. Ол мақсатқа 15 миллион теңге жұмсалды. Қазір онда барлығы 17 бала оқып жатыр және 6 педагог қызмет етеді. Олар аптасына 18 сағат, яғни күніне 3 сағаттан жұмыс істейді. Бұл, әрине, аз. Мұндай жағдай тек Теміртауға ғана емес, басқа қалаларға да тән. Кабинеттердің ауданы мен жабдықталуы штатқа 20 маманға дейін алуға мүмкіндік береді. Бұл өз кезегінде қазіргіден анағұрлым көбірек балаларды қабылдауға мүмкіндік тудырар еді. Қазір, мысалы, теміртаулық кабинет енді ғана жұмысын бастағанына қарамастан, келесі жылдың қаңтар айына дейін жазылып қойған, демек кезек өте үлкен. Егер біз қамтуды ұлғайтсақ, онда кезек те қысқарар еді, - дейді «Дара» қорының жобаларды үйлестірушісі Марал Шешембекова.
Қарағанды облысы білім басқармасының жетекшісі Есенғазы Иманғалиевтің айтуынша, бұл проблеманы қазірден бастап шешуге болады.
- Түзету кабинеттеріндегі қызметкерлер штатын кеңейтуге болады. Ол үшін біздің бюджетте қажетті қаражат бар. Ол кабинеттерде жұмыс істей алатын мамандар аймағымызда жетерлік: оларды Қарағанды мемлекеттік университеті даярлайды, - деп мәлімдеді ол.
Қарағанды облысының әкімі Ерлан Қошанов бұл мәселені назарға алып, жүйелі түрде шешуді тапсырды.
- Бұл проблеманы шешіңіздер, біз көріп отырғандай, балаларды қамту өте аз, оны түзету керек. Сонымен бірге қай аймақтарда ерекше күтімді қажет ететін балалар саны көбірек шоғырланғанын сараптап, сол жерлерде осындай кабинеттер ашу керек, осының барлығы ата-аналарға қолжетімді болуы тиіс. Біздің тарапымыздан қолдау көрсетіледі, - деді ол.
  Кездесуде сонымен қатар Қарағандының екі балалар үйінде жүзеге асырылып жатқан "Тәлімгерлер" жобасының ары қарайғы дамуы талқыланды. 

 





Мемлекеттік рәміздер
Сауалнама
Сіз бес институционалдық реформа және оны іске асыру жөніндегі «100 нақты қадам» Ұлт жоспарымен таныссыз ба?
Басталу уақыты: ноябрь 2015
Мұрағат
Мемлекеттік және салалық бағдарламалардың орындалу барысы қай деңгейде?
Мұрағат
Сіз мемлекеттік қызметтерді алу кезінде ҚР «Электрондық үкіметінің» порталын қолданасыз бе?
Мұрағат
Сіз мемлекеттік көрсетілетін қызметтер жөніндегі ақпаратты қандай дереккөзден алғанды қалайсыз? Басталу уақыты: маусым 2016
Мұрағат
Сіз мемлекеттік қызметтерді алу кезінде ҚР «Электрондық үкіметі» порталының қызметімен пайдаланасыз ба?
Мұрағат
Сіз Қарағандыны қаншалықты білесіз?


Цифра дня
  • EXPO 2017
  • Облыс әкімдігінің тұрғындар алдындағы есебі
  • Дін істері және азаматтық қоғам министрлігі
  • Электрондық еңбек биржа
  • Нәтижелі жұмыспен қамтуды және жаппай кәсіпкерлікті дамытуға арналған бағдарлама
  • Ластауыштардың шығарынылар мен тасымалдар тізілімі
  • Өңдеу саласындағы қазақстандық экспорттаушылар мен шетелдік сатып алушыларға арналған Портал
  • Долевое жилье без обмана
© 2005-2015Қарағанды облысы әкімдігінің ресми ақпараттық порталы
Сайт материалдарын пайдаланғанда ақпарат алған көзге сілтеме жасау міндетті
Әзірлеуші және қолдаушы: «Creatida» интернет-компаниясы