На главную Размер шрифта: Цвет сайта: ↑ Наверх

Жаңалықтар


13-Наурыз-2018 - Теміртауда мұз астынан жылтыр қармаққа балық аулау бойынша XV әлем чемпионаты басталды

Мұз астынан жылтыр қармаққа балық аулау бойынша әлемдік чемпионат наурыздың 13-і мен 17-і аралығында Теміртау қаласындағы Самарқанд су қоймасында өтеді. Ең үздік балықшы атағына 13 елден келген қатысушылар таласатын болады.
Турнирге Қазақстан, Ресей, Украина, Беларус, Эстония, Литва, Латвия, Польша, Финляндия, Норвегия, Швеция, Моңғолия және АҚШ елдерінің өкілдері жиналды.
- Чемпионатты өткізу құқығына екі ел таласқа түсті: Болгария және Қазақстан. Қорытынды шешім өткен жылдың наурыз айында қабылданған болатын. Негізгі критерий су қоймасында балықтың болуы, сондай-ақ қолжетмді арақашықтықта инфрақұрылымның болуы шарт еді. Сондықтан біздің Самарқанд су қоймасы жақсы келді, - дейді Қарағанды облысының балық аулау спорт федерациясының төрағасы Жанат Дүйсембаев.
Қазақстанның құрама командасына алты адам енді. Ол үшін оларға алдын ала бес іріктеу кезеңдерден өту керек болатын. Басқада қатысушы елдердің командалары да алты балықшылардан құралған. Әлемдік чемпионат талаптары бойынша олар екі күн қатарынан Самарқанд су қоймасының түрлі бөліктерінде сайысатын болады. Балық аулау үзіліссіз үш сағат бойы жалғасады. Сайыстың барлық ережелерінің сақталуын 15 төреші бақылайды. Олардың оны – қазақстандықтар, бесеуі – басқа елдердің өкілдері.
Қазылар алқасы екі күнде ауланған балықтың жалпы салмағын тіркейді. Ең көп балық аулаған үш команда және үш жеке есептегі балықшылар жеңімпаз атанады. Оларды медальдармен және кубоктармен марапаттап, демеушілер тарапынан берілген сыйлықтар табыс етіледі.
Чемпионатқа кедергі болатын ауа райының қобалжуын ұйымдастырушылар болжап отырған жоқ.
- Болжам бойынша күннің кенеттен және қатты жылып кетуі күтілмейді. Оған қоса ақпанның соңында Самарқанд су қоймасындағы мұздың қалыңдығын өлшегенде 1,1 метр болған. Әдетте мұндай көрсеткіште мұз сәуір айының ортасынан ерте ерімейді. Еуропада мұздың жұқаруына байланысты сайысты басқа уақытқа ауыстыру жайттары болған. Алайда ол жерлерде су қоймаларындағы мұздың қалыңдығы әрі кетсе 30-40 сантимертге дейін ғана баратынын ескерген жөн, - деп түсіндірді Жанат Дүйсембаев.
Сайыс наурыздың 13-і мен 17-і аралығында өтеді. Алғашқы үш күнде қатысушылар жаттығады және допинг-сынақтардан өтеді. 16 және 17 наурызда 10.00-ден 13.00-ге дейін негізгі кезеңдер өтеді. Су қоймасының жағалауында орналасқан «Космонавт» туристік базасы чемпионат өткен уақыт аралығында көрермендер үшін арнайы түрде кіруді тегін етіп, анағұрлым көбірек жанкүйерлер жинамақшы.
Мұз астынан жылтыр қармақпен балық аулау бойынша өткен осының алдындағы әлем чемпионаты 2017-ші жылдың ақпанында Латвияда, Рига маңындағы Кіші Балтэзерс көлінде ұйымдастырылған болатын. Оған 14 елдің балықшылары қатысты. Екі кезеңнің қорытындысы бойынша Қазақстан құрамасы жалпы есептегенде 11, 255 кг балық аулап, жетінші орынды иеленген болатын. Бірінші орынды Украина құрамасы жеңіп алды. Олардың аулаған балықтарының жалпы салмағы 15, 96 кг құрады. Екінші орында 14,940 кг балық аулаған Латвия балықшылары болды. Ал үздік үштікті латвиялық қарсыластарынан небары 175 граммға азырақ балық аулаған Ресей құрамасы қорытындылады.
Қазақстанда мұндай чемпионат бірінші рет өткізіліп отырған жоқ. 2012-ші жылы әлемдік біріншілікті Қапшағай су қоймасында өткізген болатын.
 





Мемлекеттік рәміздер
Сауалнама
Сіз бес институционалдық реформа және оны іске асыру жөніндегі «100 нақты қадам» Ұлт жоспарымен таныссыз ба?
Басталу уақыты: ноябрь 2015
Мұрағат
Мемлекеттік және салалық бағдарламалардың орындалу барысы қай деңгейде?
Мұрағат
Сіз мемлекеттік қызметтерді алу кезінде ҚР «Электрондық үкіметінің» порталын қолданасыз бе?
Мұрағат
Сіз мемлекеттік қызметтерді алу кезінде ҚР «Электрондық үкіметі» порталының қызметімен пайдаланасыз ба?
Мұрағат
Сіз мемлекеттік көрсетілетін қызметтер жөніндегі ақпаратты қандай дереккөзден алғанды қалайсыз? Басталу уақыты: маусым 2016
Мұрағат
Сіз Қарағандыны қаншалықты білесіз?


Цифра дня
  • EXPO 2017
  • Облыс әкімдігінің тұрғындар алдындағы есебі
  • Дін істері және азаматтық қоғам министрлігі
  • Электрондық еңбек биржа
  • Нәтижелі жұмыспен қамтуды және жаппай кәсіпкерлікті дамытуға арналған бағдарлама
  • Ластауыштардың шығарынылар мен тасымалдар тізілімі
  • Өңдеу саласындағы қазақстандық экспорттаушылар мен шетелдік сатып алушыларға арналған Портал
  • Долевое жилье без обмана
© 2005-2015Қарағанды облысы әкімдігінің ресми ақпараттық порталы
Сайт материалдарын пайдаланғанда ақпарат алған көзге сілтеме жасау міндетті
Әзірлеуші және қолдаушы: «Creatida» интернет-компаниясы