На главную Размер шрифта: Цвет сайта: ↑ Наверх

Жаңалықтар


12-Қаңтар-2018 - Балабақшаларға тізімге тұру бірыңғай электронды кезек қаңтардың соңында іске қосылады

 Бірыңғай электронды кезек облыс орталығында осы айдың соңында жұмыс істей бастайды. Бірыңғай базаның көмегімен ата-аналар өзінің баласы үшін қай мекенжайға тіркелгеніне қарамастан кез келген балабақшаны таңдап, кезекке тұра алады.
Қарағандының Білім бөлімінің сайтында арнайы тарау пайда болады. онда баланы балабақшаға қалай кезекке тұрғызу керектігі, кезекті қалай бақылап отыруға болатыны туралы ақпарат жарияланатын болады. Сонымен қатар мұнда босаған орындар туралы хабарламаларға жазылуға және өз бетіңше баланы балабақшаға тіркеуге болады.
- Тұрғылықты мекенжайға қосарланған белгілі бір балабақшаға тұрған кезек бірыңғай тізімге қосылады. Осылайша, ата-аналарда олардың көңілінен шығатын балабақшаға кезекке тұруға мүмкіндік пайда болады. Бұл мектепке дейінгі мекемелердің жұмыс сапасын жоғарылатуға септігін тигізеді. Балабақша директорларына өз мекемелеріне ата-аналардың назарын аудару үшін қандай жақсы жағдай жасауға болатынын ойлау керек болады, - деп түсіндірді Қарағанды қаласы әкімінің орынбасары Ирина Любарская.
Баланың балабақшаға тіркелуіне жауапкершілік енді ата-аналарға артылатын болады. Себебі тек олар ғана кезектің жылжуын қадағалап, құжаттарды әзірлеп, баланы мектепке дейінгі мекемеге орналастырулары қажет.
- Осыған дейін баланың балабақшаға баруға кезегі келгенде біз ата-аналарға өзіміз хабарласатынбыз. Өтініште көрсетілген нөмір сөндірулі, біреулер ол мекенжайдан көшіп кеткені немесе ол балабақшаға барудан айнып қалған жайттар жиі кездесетін. Қазір барлығы өзгеше. Жүйеде тіркелген ата-анаға балабақшаларда орын босағаны туралы смс-хабарлама келіп түседі. Үш күн аралығында ата-ана олардың бірін таңдап, баласын сол балабақшаға тіркеп, баланың денсаулық паспорты және қажетті құжаттарын алып келу керек болады, - деді Қарағанды қаласы Білім бөлімінің жалпы және орта білім секторының меңгерушісі Наталья Головина.
Жаңа, электронды кезек форматына ауысқан соң балабақшалардағы босаған орындар туралы мәліметтер тезірек пайда бола бастайды. Мәліметтер базасына бұл ақпаратты мектепке дейінгі мекеменің басшылары салып отырады. Жәнеде ол ақпарат жүйеге тіркелген әрбіз пайдаланушыға қолжетімді болады.
Қазір сайттың сәйкесінше тарауы жартылай түрде контентпен толықтырылған, алайда толық күшімен жұмыс істеп жатқан жоқ. Онда қазірдің өзінде балабақшалардың тізімімен және олардың сипаттамасымен танысуға болады. Ал баланы кезекке қою және порталдың басқа да атқарымдарымен осы айдың соңында ғана пайдалануға болады. Сайттың жаңа тарауы: garden.kargoo.gov.kz





Мемлекеттік рәміздер
Сауалнама
Сіз мемлекеттік қызметтерді алу кезінде ҚР «Электрондық үкіметінің» порталын қолданасыз бе?
Мұрағат
Сіз бес институционалдық реформа және оны іске асыру жөніндегі «100 нақты қадам» Ұлт жоспарымен таныссыз ба?
Басталу уақыты: ноябрь 2015
Мұрағат
Сіз облыстағы қоғамдық-саяси жағдайға қандай баға берер едіңіз?
Мұрағат
Сіз көрсетілген мемлекеттік қызметтерінің сапалығына ризасыз ба? Басталу уақыты: маусым 2016
Мұрағат
Мемлекеттік және салалық бағдарламалардың орындалу барысы қай деңгейде?
Мұрағат
Сіз Қарағандыны қаншалықты білесіз?


Цифра дня
  • EXPO 2017
  • Облыс әкімдігінің тұрғындар алдындағы есебі
  • Дін істері және азаматтық қоғам министрлігі
  • Электрондық еңбек биржа
  • Нәтижелі жұмыспен қамтуды және жаппай кәсіпкерлікті дамытуға арналған бағдарлама
  • Ластауыштардың шығарынылар мен тасымалдар тізілімі
  • Өңдеу саласындағы қазақстандық экспорттаушылар мен шетелдік сатып алушыларға арналған Портал
  • Долевое жилье без обмана
© 2005-2015Қарағанды облысы әкімдігінің ресми ақпараттық порталы
Сайт материалдарын пайдаланғанда ақпарат алған көзге сілтеме жасау міндетті
Әзірлеуші және қолдаушы: «Creatida» интернет-компаниясы